إن جيت أبيـــــهم أغلـــقـوا دونـــي الــــــباب
.. .. .. .. .. .. .. ولو طــــــاحت دموع الوله .. مابكوني
ناسٍ أبد ماأعــدهم عني أغـــــــراب
.. .. .. .. .. .. .. كنت أتولم يمـــهم .. وإتركـــــوني
في ضيقتي والقلب بالحـــــيل منصاب
.. .. .. .. .. .. .. جيت أتلمس قربـــهم .. وإخــــــذلوني
والله .. لو ماأعـــــــدهم كل الأحباب
.. .. .. .. .. .. .. ولو غيرهم يســـــكن بغبة عيوني
ماأشره عليهم لو قـــــضا العمر بغياب
.. .. .. .. .. .. .. . ولاتحرك من غــــــلاهم شجوني
أعدهم عن الملا ستر وإحجــــــــاب
.. .. .. .. .. .. .. وأبني لهم قصر الـغـــــلا .. وإهدموني
أول ليامن جيت بألفين ترحـــــــاب
.. .. .. .. .. .. .. وفأجمل محطات الأمــــــاني لقوني
واليوم صاروا من ورا ظهري .. أحـــزاب
.. .. .. .. .. .. .. أحزابهم .. هي ليش ؟؟!! بعد قتــلوني
ياويل قلبي .. مابقا فيني عــــــتاب
.. .. .. .. .. .. .. ماباقي إلا دمعتين بعـــــــــيوني
أخاف لاأذرفها وأنا حولي أجــــــــناب
.. .. .. .. .. .. .. تفرحهم دموعي وهدة مـــــتوني
والموت يوم الصد .. جـــاني بلا أسباب
.. .. .. .. .. .. .. كذا .. بليا أسباب راحـــوا بدوني
إخترت خوتهم على كل الأصــــحاب
.. .. .. .. .. .. .. وذكرتهم بالخير يومن نســـــــوني
وإستسهلوا بعدي .. وباعوه بأكــــــذاب
.. .. .. .. .. .. .. أحلف لهم بالله .. ماصدقـــــــــوني
ومن يوم ضاقت .. وإمتلا صدري أتــــــعاب
.. .. .. .. .. .. .. وأبطت تنازف في خفوقي .. طعـــــــوني
شلعت أنا وطعوني براس مرقـــــــاب
.. .. .. .. .. .. .. وبكيتهم في صمت .. لين .. وحشــــــوني
ياكثر وحشتهم على خـــــافقٍ ذاب
.. .. .. .. .. .. .. وياكثر مافي هالغلا .. كرهــــــــوني
وياكثر غيبتهم على قلب مرتــــــــاب
.. .. .. .. .. .. .. وياكثر ماضاقت بعد ما جفـــــــوني
إن جيت أصد .. وكل ظرفٍ له أنـــــياب
.. .. .. .. .. .. .. وإن جيت ألد لهم .. ملتني غبـــــوني
هم علموني .. ويش هو حرق الأعصــــاب
.. .. .. .. .. .. .. وفأصعب مواقف رحلتي .. هملــــوني
وعلى رغم كل المواجع .. فلا خــــــــاب
.. .. .. .. .. .. .. ظني بهم لو بالمــــــــفارق نووني
وحا بدو .. والله خلقنا من تــــــراب
.. .. .. .. .. .. .. لكّن بدوي بالمكارم .. ملــــــوني
ماحنا بحيالله بدو .. بدوي ذيـــــاب
.. .. .. .. .. .. .. ياما وياما لاإعتزيت .. إنصحــــــوني
ولا فيني إلا شي واحد .. وينعـــــاب
.. .. .. .. .. .. .. إنصافي لناس ٍ جفوا وإظلمـــــوني
ويوم إلحقوا قلب .. الكرامه .. بمخـــلاب
.. .. .. .. .. .. .. تهدمت كل القصور بجفـــــوني
ومدام قلب المخلصه صار كـــــــذاب
.. .. .. .. .. .. .. وشهوله أرجع .. دامهم .. كذبـــــوني
م|ن
الإثنين أبريل 14, 2008 10:44 pm
